Gombi Maduvi

 130.00

In Stock

ಉತ್ತರ ಕರ್ನಾಟಕದ ಸಂಸ್ಕೃತಿಗೆ ಕನ್ನಡಿ ಹಿಡಿಯುವ ಈ ಕೃತಿಯಲ್ಲಿ ಬಡ, ಮುಗ್ಧ ಹುಡುಗಿಯೊಬ್ಬಳ ಕನಸುಗಳು, ಮಾನವೀಯತೆಯನ್ನು ಮೆರೆಯುವ ಹಲವು ಪಾತ್ರಗಳ ನಡುವೆ ವಿಧಿಯ ಕೈವಾಡದಿಂದ ಚದುರಿ ಹೋಗುವ, ಅಂತಃಕರಣವನ್ನು ಕಲಕುವ ಚಿತ್ರಣವಿದೆ. ಸ್ಥಳೀಯ ನಂಬಿಕೆ-ಆಚರಣೆ, ಆಶೋತ್ತರಗಳನ್ನು ದಟ್ಟವಾಗಿ ಹೆಣೆದುಕೊಳ್ಳುತ್ತ ಒಂದು ಪುಟ್ಟ ವಿಶ್ವವನ್ನೇ ಈ ನಾಟಕ ಸೃಷ್ಟಿಸುತ್ತದೆ. ರೇವತಿ ನಾಡಗೀರ ಅವರ ಚೊಚ್ಚಲ ಕೃತಿಯಾದ ಇದರಲ್ಲಿ, ಅವರ ಸಹೃದಯತೆ, ಉತ್ತರ ಕರ್ನಾಟಕದ ಸಂಸ್ಕೃತಿಯ ಅನುಭವ ಎದ್ದು ಕಾಣುತ್ತದೆ.


Available on

Amazon

ಒಂದು ಪುಟ್ಟ ಹಳ್ಳಿಯ ಎರಡು ಕುಟುಂಬಗಳ ವಸ್ತುಸ್ಥಿತಿ ಮತ್ತು ಕನಸುಗಳನ್ನು ಕೂಡಿಸಿ ಕಟ್ಟಲಾಗಿರುವ ರೇವತಿ ನಾಡಗೀರ ಅವರ ನಾಟಕ ‘ಗೊಂಬಿ ಮದವಿ’ ಹಲವು ಕಾರಣಗಳಿಂದ ಆಸಕ್ತಿ ಹುಟ್ಟಿಸುತ್ತದೆ. ಉತ್ತರ ಕರ್ನಾಟಕದ ದೇಶಿಯ ಸೊಗಡಿನಲ್ಲಿ ಸ್ಥಳೀಯ ನಂಬಿಕೆ-ಆಚರಣೆ-ಆಶೋತ್ತರಗಳು ದಟ್ಟವಾಗಿ ಹೆಣೆದುಕೊಂಡು ಒಂದು ಸ್ವಯಂಪೂರ್ಣ ಪುಟ್ಟ ವಿಶ್ವವೇ ಇಲ್ಲಿ ಸೃಷ್ಟಿಯಾಗಿದೆ. ಬಡ, ಮುಗ್ಧ ಹುಡುಗಿಯೊಬ್ಬಳ ಕನಸುಗಳು ಆ ಹಳ್ಳಿಯ ಪ್ರತಿಷ್ಠಿತ ಕುಟುಂಬವೊಂದರ ಕನಸುಗಳೊಡನೆ ಬೆರೆತು ಜಾತಿಭೇದ-ವರ್ಗಭೇದಗಳನ್ನು ಅಳಿಸಿ ಹಾಕಬಲ್ಲ ಸ್ಥಿತಿಯನ್ನು ಮುಟ್ಟಿಬಿಡುತ್ತವೆ. ಮೊದಮೊದಲು ವಾಸ್ತವ-ಅದ್ಭುತರಮ್ಯಗಳು ಬಿಡಿಬಿಡಿಯಾಗಿ ಕಾಣಿಸಿಕೊಂಡರೂ ಕ್ರಮೇಣ ಅವು ಒಂದುಗೂಡಿ ಲೇಖಕಿಯ ಜೀವನದೃಷ್ಟಿಯನ್ನು ಸ್ಪಷ್ಟಗೊಳಿಸುತ್ತವೆ. ಸ್ವತಃ ಓರ್ವ ಯಶಸ್ವಿ ರಂಗಕರ್ಮಿಯಾಗಿರುವ ರೇವತಿ ನಾಡಗೀರರ ನಾಟಕ ರಚನಾ ಕೌಶಲ್ಯ ಇಲ್ಲಿ ಸಾಕಷ್ಟು ಸಫಲವಾಗಿದೆ. ಓದುನಾಟಕವಾಗಿಯೂ ರಂಗನಾಟಕವಾಗಿಯೂ ಸಹೃದಯರ ಆಸಕ್ತಿಯನ್ನು ಕಾಯ್ದುಕೊಳ್ಳಬಲ್ಲ ಈ ರಚನೆ ಸ್ವಾಗತಾರ್ಹ. ಕನ್ನಡದಲ್ಲಿ ನಾಟಕಕಾರ್ತಿಯರು ತುಂಬಾ ಕಡಿಮೆ ಎಂಬ ಕೊರತೆಯನ್ನು ರೇವತಿ ನಾಡಗೀರರು ಸ್ವಲ್ಪಮಟ್ಟಿಗೆ ತುಂಬಿಕೊಟ್ಟಿದ್ದಾರೆ.

ಟಿ. ಪಿ. ಅಶೋಕ

Reviews

There are no reviews yet.

Be the first to review “Gombi Maduvi”

Your email address will not be published. Required fields are marked *